hæhæhæhæhæ

Það er loksins komið að því!

Síðasti mánuður hefur farið í mikið hangs; ótæpilega mikið horft á sex and the city, farið í mörghundruð labbitúra um hverfið og hangið á feisbúkk sem er ástæða þess að ég hripaði ekkert niður hér, ég hafði ekki frá neinu að segja.

en nú er komin betri tíð með blóm í haga.

Við byrjuðum í skólanum á fimmtudaginn síðasta og líst bara voða vel á alltsaman. Fyrst var kynning á öllu á miðvikudagskvöldið og svo boðið uppá ýmsar veigar sem var skemmtó.

Fórum svo í fyrsta tímann sem var formfræði, tveir tímar í það að teikna kassar og hringi sem hljómar ekki spennandi en er alveg mjög skemmtilegt. Erum bara búnar að sitja og teikna hringi síðustu daga. Síðan fórum við í einskonar handavinnu þar sem kennt var að hekla. Við arna náttúrulega slógum í gegn, einu sem kunnu þetta áður og ég held að þetta verði uppáhaldstíminn minn.

Síðan á föstudaginn fórum við í sníðagerðartíma sem ég hlakka mjög til að læra, kennarinn voða ljúf kona sem minnir mig á helgu, saumakennarann á laugó.
Svo fórum við í tima sem ég veit ekki alveg hvað heitir á íslensku en þar verðum við að vinna með líkamann, tilvísanir í listum í líkamann og svo framvegis. Fengum þar risaverkefni fyrir föstudag sem vex mér svolítið í augum. En það reddast.

Ótrúlega erfitt að vera í tímum á spænsku, bæði að þurfa að skilja efnið og svo líka tungumálið. En þetta verður fljótt að koma, hinir í bekknum eru allir voða næs og boðnir og búnir að hjálpa okkur þegar við erum heimskar.

ég er því bara yfir mig hamingjusöm þessa dagana, svo gaman að hafa nóg að gera. Það verða komin jól áður en ég veit af. Svo kemur öspin mín í heimsókn 6 nóv og verður yfir helgina. hlakka endalaust mikið til þess að hitta hana.

Vona að allir hafi það gott í frostinu, það er farið að kólna allsvaðalega hérna. Hitinn verður settur á 1 nóv í húsinu okkar þannig að þá getum við sleppt kuldagöllunum á nóttunni.

1000 kossar til allra sem hafa enn trú á mér sem bloggara,

Unnur Lilja